Бүтээгдэхүүний үйлдэл

Ходоод гэдэсний үйл ажиллагааны эмгэгшлийн үед хэрэглэх бэлдмэл

Найрлага, савлагаа

• Идэвхтэй үйлчлэгч бодис: дротаверин, 1мл уусмал тутамд 20мг дротаверины гидрохлорид хуурай бодис хэлбэрээр агуулагдана.
• Туслах бодис: 96% этилийн спирт, натрийн метабисульфит (E 223), тарилгын ус.

Хэрэглэх заалт

• Цөсний замын эмгэгтэй хавсарсан гөлгөр булчингийн агчилууд: холецистолитиаз, холангиолитиаз, холецистит, перихолецистит, холангит, папиллит.
• Шээсний замын эмгэгтэй хавсарсан гөлгөр булчингийн агчилууд: нефролитиаз, уретролитиаз, пиелит, цистит, дүлүүлж шээх.
• Дэмжих эмчилгээ (шахмал хэлбэртэй эмийн бэлдмэлийг ууж хэрэглэх боломжгүй тохиолдолд):
  • Ходоод гэдэсний замын гөлгөр булчингийн агчилын үед: ходоодны идэгдмэл шархлаа болон гэдэсний шархлаа, гастрит, кардил-болон/эсвэл пилороспазм, энтерит, колит;
  • Эмэгтэйчүүдийн эмгэг: дизмэноррей

Хэрэглэх арга, тун

Насанд хүрсэн хүний булчинд тарьж хэрэглэх үеийн хоногийн дундаж тун нь 40 -240 мг (1-3 хувааж тус тусд нь хэрэглэх) байна.

Насанд хүрэгсдийн цөсний суваг болон шээсний сувгийн бөглөрлийн улмаас үүссэн цочмог өвдөлтийн үед 40-80мг тунгаар венийн судсаар тарьж хэрэглэнэ.

Хүүхдэд. Хүүхдэд эмнэлзүйн судалгаа хийгдэж байгаагүй.

Анхааруулга

Тун хэтэрсэн шинж тэмдэг: Зүрхний агшилтын болон хэм алдагдлын өөрчлөлтүүд үүсч, тухайлбал гиссийн багцын хориг ба зүрх зогсох, улмаар үхэлд ч хүргэж болзошгүй. Тун хэтрэлтийн үед өвчтөнг эмчийн хяналтад байлгаж бөөлжүүлэх болон/эсвэл ходоод угаах зэрэг шинж тэмдгийн эмчилгээ хийнэ.

Судсанд тарьж хэрэглэх үед коллапс болох эрсдлийг тооцож, өвчтөнг түрүүлгээ харсан байдалд байрлуулах хэрэгтэй!

Даралт багатай тохиолдолд анхаарал болгоомжтой байх хэрэгтэй.

Эмийн бэлдмэл нь метабисульфит агуулдаг ба энэ нь хэт мэдрэг хүмүүст ялангуяа астма болон харшилын өгүүлэмжтэй үед анафилаксын шок болон бронхын спазмын шинж тэмдэг зэрэг харшлын төрлийн урвал үүсгэж болзошгүй юм. Натрийн метабисульфитэд хэт мэдрэгших шинж илэрвэл парэнтерал замаар хэрэглэхээс зайлсхийх хэрэгтэй.

Жирэмсэн эмэгтэйчүүдэд парэнтерал замаар хэрэглэх тохиолдолд анхаарал болгоомжтой байна. (“Жирэмсэн ба хөхүүл үеийн хэрэглээ” хэсгийг харна уу).

Хүүхдэд. Хүүхдэд эмнэлзүйн судалгаа хийгдэж байгаагүй.