Бүтээгдэхүүний үйлдэл

Лактулоза нь ууж хэрэглэдэг, осмос даралтанд нөлөөлдөг, туулгах эмийн бүлэгт хамаарагддаг бөгөөд гэдсэн дэх агууламжийг ихэсгэж туулгадаг.

Найрлага, савлагаа

Үйлчлэгч бодис нь лактулоза. 1мл бэлдмэл нь 0,67г лактулоза агуулдаг. Уг бэлдмэл нь шаравтар, ууж хэрэглэдэг уусмал. Уут бүрт 15мл уусмал бүхий 50 уутыг хайрцгандаа багтаасан байна.

Хэрэглэх заалт

Лактулоза Лаинко бэлдмэлийг архаг явцтай өтгөн хаталтын эмчилгээнд хэрэглэнэ. Уг бэлдмэлийг өтгөнийг зөөлрүүлэх зорилгоор хэрэглэхээс гадна хошного, шулуун гэдэсний мэс заслын дараа болон хошногоны урагдал цуурхай, цоорхой, буглаа, шархлаа, шамбрамтай өвчтөнд өтгөн гадагшлалтыг хөнгөвчлөх зорилгоор хэрэглэнэ.

Бэлдмэлийг түүнчлэн үүдэн венийн системийн элэгний энцефалопатийн эмчилгээ болон урьдчилан сэргийлэлтэнд хэрэглэнэ.

Хэрэглэх арга, тун

Лактулоза Лаинко бэлдмэлийг ууж хэрэглэнэ. Ууж хэрэглэдэг уусмалыг тохирсон тунгаар шингэрүүлэлгүйгээр буюу эсвэл ус жүүсээр шингэрүүлж хэрэглэнэ.

• Насанд хүрэгсдийн архаг явцтай өтгөн хаталтад:

Эхний зөвлөж буй тун нь 30мл (2 уут ) бөгөөд үүнийг хоногт 2 хувааж хэрэглэх ба 2-3 өдрийн туршид хэрэглэнэ. Барих тун нь хоногт 15-30мл (1-2 уут) бөгөөд өглөөний цайны үед хэрэглэх нь тохиромжтой.

• Өтгөнийг зөөллөх шаардлагатай үед:

Зөвлөж буй тун нь 15мл (1 уут) ба хоногт нэг, хоёр, гурван удаа хэрэглэнэ.

• Үүдэн венийн системийн элэгний энцефалопатид:

Эхний тун 30-45мл (2-3 уут) ба хоногт 3 удаа хэрэглэнэ.

Барих тунг өтгөнийг хоногт 2 буюу эсвэл 3 удаа гадагшлуулах зорилгоор тохируулна.

Анхааруулга

Дараах тохиолдолд Лактулоза Лайнко бэлдмэлийг хэрэглэхийн өмнө эмчлэгч эмч болон эм зүйчид мэдэгдэнэ. Үүнд:

• Цусан дахь сахарын хэмжээ их байгаа (чихрийн шижин) болон та Лактулоза Лайнко бэлдмэлийг өндөр тунгаар хэрэглэж байгаа бол.
• Хэрэв та өндөр тунгаар удаан хугацааны туршид хэрэглэж байгаа бол. Энэ нь шингэний хэт их алдагдал (усгүйжил) бүхий суулгалт болон натрийн түвшингийн ихсэлтэнд хүргэж болно. Энэ нь ялангуяа өндөр настай өвчтөн болон хүүхдэд чухал байдаг.
• 5мл-т 0,5г-с ихгүй галактоз, 0,33г-ихгүй лактоз, 0.1г  фруктоз агуулагддаг. Иймээс удамшлын шалтгаантай фруктоз зохидоггүй өвчтөн (галактоземи) буюу эсвэл фруктоз зохидоггүй өвчтөн, Лаппа лактазын дутагдал (дутагдал нь Лапландад амьдардаг зарим хүмүүст ажиглагддаг), глюкоз галактозын шингэний алдагдалтай өвчтөн зэрэгт уг бэлдмэлийг хэрэглэхгүй.

               Хэрэв дээрх зүйлс таньд өмнө нь хэзээ нэгэн цагт тохиолдож байсан бол эмчлэгч эмчдээ мэдэгдэж зөвлөгөө авна.