Неожинакс
Бүтээгдэхүүний үйлдэл
Эмэгтэйчүүдийн өвчний үед хэсэг газарт хэрэглэх нийлмэл бэлдмэл.
Найрлага, савлагаа
Лаа тус бүрт агуулагдах хэмжээ: Метронидазол 250мг, 100мг неомицинтэй тэнцэхүйц неомицины сульфат, нистатин 100.000ОУН.
Хэрэглэх заалт
Төрөл бүрийн шалтгаант бэлгийн замын халдварын эмчилгээнд хэрэглэнэ: идээт бактер, трихомонад, Candida albicans зэргийн шалтгаант вагинит мөн цагаан эстэй хавсарсан вагинит эсвэл трихомонад ба мөөгөнцрийн шалтгаант халдварууд.
Хэрэглэх арга, тун
Тун: Унтахын өмнө нэг лааг үтрээнд хийх замаар 10 хоногийн турш эсвэл эмчийн зааврын дагуу хэрэглэнэ.
Хэрэв тунг хэрэглэхээ мартсан бол санасан даруйдаа хэрэглэх шаардлагатай. Гэвч, хугацаа нь дараагийн тунг хэрэглэх цагтай хэт ойрхон байвал мартсан тунг алгасаж дараагийн лааг ердийн цагтаа хэрэглэнэ.
Анхааруулга
Хэт мэдрэгшлийн урвал илэрвэл Неожинакс бэлдмэлийн хэрэглээг зогсоох шаардлагатай.
- Гаж нөлөө: Харшлын урвалууд, ховор тохиолдолд эмчилгээний эхний хэдэн өдөр хэсэг газраар хатгах эсвэл зовиурлах шинж илэрсэн.
- Системийн нөлөө: Бусад бүх хэсэг газарт хэрэглэдэг бэлдмэлийн адилаар, бэлдмэлийн багахан хэсэг нь салстаар шимэгдэж болзошгүй.
Эмчилгээний явцад илэрч болзошгүй ямар нэг гаж нөлөө илэрвэл эмчид хандана уу.
