Бүтээгдэхүүний үйлдэл

Эмийн бэлдмэлийг ходоодны шархлаа болон ходоод-улаан хоолойн сөргөө өвчний үед хэрэглэнэ.

Найрлага, савлагаа

• Үндсэн үйлчлэгч бодис: ранитидин; 1 шахмал тус бүр 150 мг ранитидинтэй тэнцэхүйц хэмжээний ранитидиний гидрохлорид агуулна;
• Туслах бодис: лактоз моногидрат, повидон, бичил талстат целлюлоз, магнийн стеарат, коллоид цахиурын ангидроз, натрийн кроскармеллоз, гипромеллоз, полисорбит 80, титаны диоксид (E 171), тальк, полиэтилен гликол, ургах наран шар FCF (E 110).

Хэрэглэх заалт

• Ходоод болон дээд гэдэсний шархлаа ба тэр дундаа Helicobacter pylori (цочмог үед) хамааралгүй харин стеройд бус үрэвслийн эсрэг эм ууснаас болж үүсдэг шархлаа (Стериод бус бүтэцтэй үрэвслийн эсрэг нөлөөт эмүүд NSAIDs);
• Үйл ажиллагааны диспепси;
• Цочмог үеийн ходоодны хүчил үүсэх үйл ажиллагаа ихэссэнтэй холбоотой архаг гастрит
• Ходоод-улаан хоолойн сөргөө өвчин (шинж тэмдэг дарах) эсвэл улаан хоолойн үрэвсэлт сөргөө өвчин.

Хэрэглэх арга, тун

• Насанд хүрэгсэд болон 14-өөс дээш настай хүүхдэд хэрэглэнэ.
• Зөвхөн бага хэмжээний усаар даруулж залгиж хэрэглэнэ,
• Эмийг зажилж хэрэглэхийг хориглоно, хоол хүнсний хэрэглээнээс үл хамаарна.
• Helicobacter pylori-ийн хамааралгүй ходоод ба дээд гэдэсний шархлаа (цочмог үед): Ихэнх тохиолдолд 4 долоо хоногийн турш өдөрт 2 удаа 150мг (1 шахмал) –аар өглөө ба орой ууж эсвэл унтахын өмнө 300мг (2 шахмал)-аар ууж хэрэглэнэ. Хэрэв шархлаа эмчлэгдээгүй тохиолдолд дахин 4 долоо хоногийн турш үргэлжлүүлэн хэрэглэнэ.
• Стеройд бус үрэвслийн эсрэг эм ууснаас болж үүсдэг ходоод ба дээд гэдэсний шархлаанаас сэргийлэх: Ихэнх тохиолдолд стеройд бус үрэвслийн эсрэг эм (NSAID)-ын эмчилгээтэй хавсран өглөө, оройдоо өдөрт 2 удаа 150мг (1 шахмал) тунгаар ууж хэрэглэнэ.
• Үйл ажиллагааны диспепси: Ихэнх тохиолдолд 2-3 долоо хоногийн турш өглөө, оройдоо өдөрт 2 удаа 150мг (1 шахмал) тунгаар ууж хэрэглэнэ.
• Цочмог үедээ ходоодны хүчил үүсгэх үйл ажиллагаа ихэссэнтэй холбоотой архаг гастрит: Ихэнх тохиолдолд 2-4 долоо хоногийн турш өглөө, оройдоо өдөрт 2 удаа 150мг (1 шахмал) тунгаар ууж хэрэглэнэ.
• Ходоод - улаан хоолойн сөргөө өвчин: Ихэнх тохиолдолд 2 долоо хоногийн турш өглөө ба оройдоо өдөрт 2 удаа 150мг (1 шахмал) тунгаар шинж тэмдэг арилгах зорилгоор ууж хэрэглэх ба шаардлагатай тохиолдолд эмчилгээг үргэлжлүүлэн хийнэ. Ходоод-улаан хоолойн сөргөө өвчний сэдрэлтийн үе болон удаан хугацааны эмчилгээнд ихэнх тохиолдолд 8 долоо хоногийн турш өдөрт 2 удаа 150мг (1 шахмал) тунгаар эсвэл унтахын өмнө 300мг (2 шахмал) тунгаар ууж хэрэглэх ба шаардлагатай тохиолдолд эмчилгээг 12 долоо хоног хүртэл хугацаагаар үргэлжлүүлэн хийж болно.
• Хүнд хэлбэрийн бөөрний дутагдалтай өвчтөн (креатининий клиренс 50 мл/мин-аас бага): Энэ бүлгийн өвчтөнд хоногийн тун нь 1 шахмал (150мг ранитидин) байна.

Анхааруулга

Дараах тохиолдолд хориглох заалттай. Үүнд:

• Эмийн бэлдмэлийн найрлага дахь аль нэг бодис эсвэл ранитидинд хэт мэдрэгшилт; 
• Ходоодны хорт хавдарын шинж тэмдэгтэй, хаалган венийн системийн энцефалопати өгүүлэмжтэй элэгний цирроз;
• Хүнд хэлбэрийн бөөрний дутагдал (креатининий клиренс < 30мл/мин).