Найрлага, савлагаа

Бэлдмэлийн 2мл бүрт 40мг Лидокаины гидрохлорид агуулагдана.

Хэрэглэх заалт

Ялангуяа миокардийн цочмог шигдээсийн дараах ховдлын экстрасистол ба ховдлын тахикарди зэргийг дарангуйлах.

Гадаргуугийн нэвчүүлэх, хэсэг газрын, эпидураль ба нугасны замаар хэсэг газрыг мэдээгүйжүүлэх, дангаар эсвэл адреналинтай хавсарч шүд мэдээгүйжүүлэх.Лидокаиныг мөн арьсан дор, булчинд эсвэл венийн судсанд тарьж хэрэглэж болно. Нүдэнд хэрэглэхийг хориглоно.

Хэрэглэх арга, тун

Ховдлын хэм алдагдлын үед

Насанд хүрэгсэд: нэг минутад биеийн жингийн нэг кг тутам 20-50микрограм (Дунджаар 70кг жинтэй насанд хүрэгсдэд нэг минутад 1-4мг тунгаар)

Нярай ба хүүхдэд биеийн жингийн нэг кг тутам 0.5-1мг эхлэл бөөн тунгаар венийн судсанд тарьж хэрэглэх боломжтой. Өвчтний үзүүлэх хариу урвалаас шалтгаалж энэхүү тунг давтан хэрэглэж болох ч нийт тун нь биеийн жингийн нэг кг тутам 3-5мг-аас хэтрэх ёсгүй. Венийн судсанд дуслаар тарьж хэрэглэх барих тунг нэг минутад биеийн жингийн нэг кг тутам 10-50микрограм байхаар тооцож дуслын шахуургын тусламжтай хэрэглэж болно.

Лидокаины гидрохлоридын эмчилгээний үед зүрхний цахилгаан бичлэгийг тогтмол хянах шаардлагатай, хэрэв ховдлын хэм алдагдал сэжиглэгдсэн бөгөөд энэхүү багаж байхгүй үед брадикарди илрээгүй бол булчинд нэг удаагийн тунгаар тарьж хэрэглэнэ. Бугалганы тарилга хийх нь зохимжтой.

Хэсэг газрын мэдээгүйжүүлэх үед

Хүүхэд, өндөр настан болон бие султай өвчтөнд ердийн тунг багасгаж хэрэглэх нь зүйтэй. Хордлогын урвал илрэх эрсдлийг багасгахын тулд хүүхдэд лидокаины гидрохлоридын уусмалыг 0.5% эсвэл 1% концентрацитай хэрэглэх хэрэгтэй.

Анхааруулга

Лидокаин эсвэл амидын бүлгийн бусад мэдээгүйжүүлэх бэлдмэлд хэт мэдрэгшилтэй.

Ховдлын хэм алдагдлын үед: Синоатриал зангилааны эмгэгшил, ховдол тосгуурын хоригийн бүх зэрэг, миокардын хүнд хэлбэрийн дутмагшил, порфири (хэсэг газрын мэдээгүйжүүлгийн үед анхаарал болгоомжтой хэрэглэнэ)

Хэсэг газрыг мэдээгүйжүүлэх: Зүрхний бүрэн хориг, гиповолеми